BSF Head Constable Jobs: ભારતીય સરહદ સુરક્ષા દળ (BSF)એ વર્ષ 2025 માટે મોટી ભરતી જાહેરાત કરી છે. જો તમે દેશસેવા કરવાનો સપનો જુઓ છો, તો આ તમારી માટે શ્રેષ્ઠ તક બની શકે છે. હેડ કોન્સ્ટેબલ (રેડિયો ઓપરેટર – RO અને રેડિયો મિકેનિક – RM) માટે કુલ 1121 ખાલી જગ્યાઓ જાહેર કરવામાં આવી છે. આમાંથી 910 જગ્યા રેડિયો ઓપરેટર માટે અને 211 જગ્યા રેડિયો મિકેનિક માટે છે. ખાસ વાત એ છે કે 280 જગ્યાઓ વિભાગીય ઉમેદવારો માટે અનામત રાખવામાં આવી છે.
છેલ્લી તારીખ નજીક
આ ભરતી માટે ઓનલાઈન અરજી કરવાની અંતિમ તારીખ 23 સપ્ટેમ્બર 2025 છે. એટલે કે હવે ફક્ત થોડા જ દિવસો બાકી છે. રસ ધરાવતા ઉમેદવારોએ તરત જ સત્તાવાર વેબસાઇટ rectt.bsf.gov.in પર જઈને ફોર્મ ભરી દેવું જરૂરી છે.
શૈક્ષણિક લાયકાત
- 12 પાસ ઉમેદવારો: ભૌતિકશાસ્ત્ર, રસાયણશાસ્ત્ર અને ગણિત વિષય સાથે ઓછામાં ઓછા 60% ગુણ હોવા આવશ્યક.
- 10 પાસ ઉમેદવારો: માન્ય સંસ્થામાંથી 2 વર્ષનો ITI ડિપ્લોમા પૂર્ણ કરેલો હોવો જોઈએ.
રેડિયો ઓપરેટર (RO) માટે ITI વિષયો:
રેડિયો, ટેલિવિઝન, ઇલેક્ટ્રોનિક્સ, COPA, જનરલ ઇલેક્ટ્રોનિક્સ, ડેટા એન્ટ્રી ઓપરેટર.
રેડિયો મિકેનિક (RM) માટે ITI વિષયો:
રેડિયો, ટેલિવિઝન, જનરલ ઇલેક્ટ્રોનિક્સ, COPA, ઇલેક્ટ્રિશિયન, ફિટર, કમ્પ્યુટર હાર્ડવેર, મેકાટ્રોનિક્સ, ઇક્વિપમેન્ટ મેન્ટેનન્સ વગેરે.
વય મર્યાદા
ઉંમર 18 થી 25 વર્ષ વચ્ચે હોવી આવશ્યક છે.
કેવી રીતે અરજી કરવી ?
- સત્તાવાર વેબસાઇટ rectt.bsf.gov.in ખોલો.
- ‘Head Constable RO/RM Recruitment 2025’ વિભાગ પસંદ કરો.
- પહેલા નોંધણી (Registration) કરો અને OTP વડે વેરીફાઈ કરો.
- લોગિન કરીને તમારી વ્યક્તિગત અને શૈક્ષણિક વિગતો દાખલ કરો.
- ફોટો અને સહી અપલોડ કરો.
- અરજી ફી ઑનલાઈન ભરો.
- અંતિમ પ્રિન્ટઆઉટ કાઢીને સાચવી રાખો.
નિષ્કર્ષ
BSF ભરતી 2025 એ એવા યુવાનો માટે અનોખી તક છે, જેઓ સરહદ પર સેવા આપવા માંગે છે. ધો.10 અથવા 12 પાસ ઉમેદવારો માટે આ એક સુવર્ણ અવસર છે, જેને ચૂકી જવું નહીં.
