Amul Product GST Cut 2025: ગુજરાત કો-ઓપરેટિવ મિલ્ક માર્કેટિંગ ફેડરેશન (GCMMF) દ્વારા વેચાતા અમૂલ (Amul) ના પ્રોડક્ટ્સ પર મોટી રાહતની જાહેરાત કરવામાં આવી છે. તાજેતરમાં કેન્દ્ર સરકાર દ્વારા કરવામાં આવેલા GST ઘટાડા બાદ અમૂલે પોતાના 700થી વધુ પ્રોડક્ટ પેક પર ભાવમાં ઘટાડો કર્યો છે. આ નવા ભાવ 22 સપ્ટેમ્બર 2025થી અમલમાં આવશે.
હવે રોજિંદા ડેરી આઇટમ થશે વધુ સસ્તા
ગ્રાહકોના ખિસ્સા પરનો ભાર ઓછો કરવા અમૂલે માત્ર થોડા નહીં પરંતુ અનેક લોકપ્રિય પ્રોડક્ટ્સમાં કિંમતો ઘટાડેલી છે.
બટર અને ઘી – ઘરેલુ ઉપયોગ માટેની મુખ્ય વસ્તુઓ હવે ઓછી કિંમતે.
આઇસક્રીમ અને ચીઝ – બાળકો અને યુવાનોના મનગમતા આઇટમ્સ હવે વધુ પોકેટ-ફ્રેન્ડલી.
બેકરી અને ફ્રોઝન નાસ્તા – બ્રેડથી લઈને ફ્રોઝન પોટેટો સ્નેક્સ સુધી સસ્તા થયા.
ડેરી અને નોન-ડેરી વસ્તુઓ – UHT મિલ્ક, પનીર, ચોકલેટ્સ, મોલ્ટ આધારિત ડ્રિંક્સ અને પીનટ સ્પ્રેડ હવે ઓછી કિંમતમાં મળશે.
અમૂલ બટર પર સીધી અસર
ગ્રાહકોમાં સૌથી લોકપ્રિય અમૂલ બટર (100 ગ્રામ પેક) નો ભાવ રૂ. 62માંથી ઘટીને હવે માત્ર રૂ. 58 થયો છે. આ પગલું ઘરેલુ બજેટ માટે મોટી રાહતરૂપ બનશે.
માતૃ ડેરી પણ લાવી સારા સમાચાર
ગૌણ વાત એ છે કે, Mother Dairy એ પણ દૂધના ભાવમાં પ્રતિ લિટર રૂ. 2 નો ઘટાડો કર્યો છે. સાથે સાથે પનીર, બટર, ચીઝ અને આઇસક્રીમ જેવા આઇટમ્સમાં પણ કિંમતો ઓછી કરી છે. એટલે કે હવે ગ્રાહકોને ડેરી આઇટમ્સમાં દોઢ ગણી રાહત મળશે.
Read more – Airtel, Jio અને Vi માં કોનો પ્લાન સેકન્ડરી સિમ માટે શ્રેષ્ઠ ?
