Bima Sugam 2025: ભારતમાં ઇન્શ્યોરન્સ ક્ષેત્રમાં ક્રાંતિકારી બદલાવ લાવવાનો પ્રયાસ બિમા સુગમ (Bima Sugam) દ્વારા કરવામાં આવી રહ્યો છે. ઇન્શ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઇન્ડિયા (IRDAI) દ્વારા આ ડિજિટલ પ્લેટફોર્મ તૈયાર કરાયું છે, જેને 2025ના ડિસેમ્બરથી પ્રથમ તબક્કામાં લોન્ચ કરવાની તૈયારી છે.
શું છે બિમા સુગમ ?
બિમા સુગમને “ઇન્શ્યોરન્સનો UPI” કહેવામાં આવી રહ્યું છે. જેમ આપણે UPI દ્વારા એક જ ઍપથી પૈસાની લેવડદેવડ કરી શકીએ છીએ, તેવી જ રીતે બિમા સુગમ દ્વારા ગ્રાહકોને જીવન, હેલ્થ અને જનરલ ઇન્શ્યોરન્સ પોલિસી એક જ પ્લેટફોર્મ પરથી ખરીદવા, વેચવા અને મેનેજ કરવાની સુવિધા મળશે.
આ પ્લેટફોર્મ એક જ વિન્ડો (Single Window) તરીકે કામ કરશે જ્યાં ગ્રાહકો અલગ-અલગ કંપનીઓની પોલિસી સરખાવીને પોતાની જરૂરિયાત પ્રમાણે પોલિસી પસંદ કરી શકશે.
લોન્ચિંગની વિશેષતાઓ
- પ્રથમ તબક્કામાં e-KYC મોડ્યુલ અને 2-3 પ્રોડક્ટ્સ રજૂ કરાશે.
- ગ્રાહકોને પોલિસી ખરીદવી, ક્લેમ કરવો અને અન્ય સર્વિસિસ એક જ જગ્યાએ મળશે.
- ડિસ્ટ્રિબ્યુટર્સ માટે પણ સમય અને ખર્ચ બંનેમાં બચત થશે.
કેમ છે ખાસ ?
- બિમા સુગમ ભારતમાં જ નહીં પરંતુ દુનિયામાં પહેલીવાર આવું ડિજિટલ ઇન્શ્યોરન્સ ઇન્ફ્રાસ્ટ્રક્ચર હશે.
- લોકો સુધી ઇન્શ્યોરન્સની સરળ અને સસ્તી ઍક્સેસ પહોંચાડવાનું મુખ્ય લક્ષ્ય છે.
- આ પ્લેટફોર્મ ગ્રાહકને સમગ્ર ઇન્શ્યોરન્સ જર્ની (ખરીદીથી લઈને ક્લેમ સુધી) ડિજિટલ રીતે પૂરું પાડશે.
રોકાણ અને ભાગીદારી
- બિમા સુગમનું અધિકૃત શેર મૂડી રૂ. 500 કરોડ છે, જ્યારે પેઇડ-અપ મૂડી રૂ. 300 કરોડથી વધુ છે.
- દેશમાં વિવિધ ઇન્શ્યોરન્સ કંપનીઓએ તેમાં રોકાણ કર્યું છે.
- Protean eGov Technologies ટેકનોલોજી પાર્ટનર છે, જ્યારે EY સલાહકાર સેવા આપે છે.
- એક્ઝિક્યુટિવ્સની નિમણૂંક માટે Executive Access HR કન્સલ્ટન્ટ તરીકે જોડાયું છે.
Read more-
