e-PAN card: ભારતમાં દરેક નાગરિક માટે PAN Card (Permanent Account Number) એટલો જ જરૂરી છે જેટલો કે આધાર કાર્ડ. બેંક એકાઉન્ટ ખોલવા, ગેસ કનેક્શન મેળવવા કે અન્ય નાણાકીય કામકાજ માટે પાન કાર્ડ હોવું ફરજિયાત છે. પરંતુ પરંપરાગત રીતે ફિઝિકલ પાન કાર્ડ બનાવવા માટે લાંબી પ્રક્રિયા અને સમય બન્ને ખર્ચવા પડે છે. હવે Income Tax Department એ આ મુશ્કેલીને હલ કરવા માટે e-PAN Card Service શરૂ કરી છે. આ સેવા દ્વારા આધાર નંબરની મદદથી તમે તાત્કાલિક પાન કાર્ડ મેળવી શકો છો.
ફિઝિકલ PAN કાર્ડ માટે કેટલો સમય લાગે ?
જો તમે સામાન્ય ફિઝિકલ પાન કાર્ડ માટે અરજી કરો છો, તો તેમાં ઓછામાં ઓછા 15 દિવસનો સમય લાગી શકે છે. કારણ કે તેમાં અરજીની ચકાસણી, પ્રિન્ટિંગ અને પોસ્ટ દ્વારા ડિલિવરીનો સમય સામેલ છે. ઘણી વાર જો વિગતોમાં ભૂલ હોય તો પ્રક્રિયા વધુ લાંબી બની જાય છે. આ જ કારણસર હવે તાત્કાલિક e-PAN Card ની સેવા ખૂબ જ ઉપયોગી સાબિત થઈ રહી છે.
e-PAN Card શું છે ?
e-PAN Card એ એક ડિજિટલ પાન કાર્ડ છે, જે આધાર કાર્ડના e-KYC ડેટા પર આધારિત છે. આ સંપૂર્ણ રીતે કાનૂની રીતે માન્ય છે અને તેને કોઈપણ નાણાકીય કે સત્તાવાર કામ માટે વાપરી શકાય છે.
- e-PAN તમને PDF ફોર્મેટ માં મફતમાં મળે છે.
- તેને કોઈપણ સમયે Income Tax Department ની સાઇટ પરથી ડાઉનલોડ કરી શકાય છે.
- તેમાં ડિજિટલ સાઇન હોય છે જે તેને સંપૂર્ણ રીતે માન્ય બનાવે છે.
Aadhaar નંબરથી e-PAN Card કેવી રીતે મેળવવો ?
જો તમારું આધાર કાર્ડ મોબાઇલ નંબર સાથે લિંક છે તો તમે આ સરળ પગલાં દ્વારા તાત્કાલિક e-PAN કાર્ડ મેળવી શકો છો:
- સૌપ્રથમ Income Tax Department e-filing portal પર જાઓ.
- હોમપેજ પર તમને “Instant e-PAN” નો વિકલ્પ જોવા મળશે, તેના પર ક્લિક કરો.
- હવે “Get New e-PAN” વિકલ્પ પસંદ કરો.
- તમારી 12 અંકની આધાર સંખ્યા દાખલ કરો.
- ચેકબોક્સ માર્ક કરી Continue કરો.
- તમારા રજીસ્ટર્ડ મોબાઇલ નંબર પર આવેલ OTP દાખલ કરો.
- હવે આધાર વિગતો ચકાસો અને મંજૂરી આપો.
- છેલ્લે “I Accept” પર ક્લિક કરી સબમિટ કરો.
- અરજી પૂર્ણ થયા બાદ તમારે સ્ક્રીન પર e-PAN જોવા મળશે તેમજ ડાઉનલોડ કરવાની સુવિધા પણ મળશે.
Read more-IMD weather gujarat: ગુજરાતમાં ફરી સક્રિય થયો વરસાદ! આવનારા 7 દિવસ માટે હવામાન વિભાગની મોટી આગાહી
