GST price complaint: તાજેતરમાં સરકાર દ્વારા GST દરમાં ઘટાડો કરવામાં આવ્યો છે. પરંતુ જો તમને હજુ પણ દુકાનદાર અથવા સેવા પ્રદાતા તરફથી જૂના ભાવ વસૂલવામાં આવે, તો હવે તમે સરળતાથી ફરિયાદ નોંધાવી શકો છો. ગ્રાહકોને તેમના અધિકારો વિશે જાણકારી આપવાના હેતુથી નેશનલ કન્ઝ્યૂમર હેલ્પલાઇન (NCH) અનેક માધ્યમો દ્વારા સહાય પૂરી પાડી રહી છે.
ક્યાં કરી શકો ફરિયાદ?
જો તમને લાગે છે કે કોઈ વેપારી GST ઘટાડા બાદ પણ જૂના દરે જ વસ્તુઓ વેચી રહ્યો છે, તો તમે તરત જ નેશનલ કન્ઝ્યૂમર હેલ્પલાઇન પર ફરિયાદ નોંધાવી શકો છો.
- ટોલ ફ્રી નંબર: 1915
- વોટ્સએપ નંબર: 8800 00 1915
- વૈકલ્પિક નંબર: 1800 11 4000
- વેબસાઇટ: consumerhelpline.gov.in
- મોબાઇલ એપ: NCH એપ અથવા UMANG એપ દ્વારા પણ ફરિયાદ કરી શકાય છે.
ગ્રાહકો માટે મોટી રાહત
આ સેવા દ્વારા ગ્રાહકોને છેતરપિંડીથી બચાવવામાં સહાય મળશે. ખાસ કરીને GSTમાં ઘટાડા પછી જો વેપારીઓ જૂના ભાવ વસૂલવા પ્રયાસ કરે, તો હવે તમે તાત્કાલિક પગલાં લઈ શકો છો.
કેવી રીતે કરશે કાર્યવાહી?
જ્યારે તમે ફરિયાદ નોંધાવો છો, ત્યારે તમારો કિસ્સો હેલ્પલાઇન પર નોંધવામાં આવે છે અને સંબંધિત વિભાગ સુધી પહોંચાડવામાં આવે છે. જો તમારી ફરિયાદ યોગ્ય જણાશે તો વેપારી સામે કાયદેસર કાર્યવાહી પણ થઈ શકે છે.
ગ્રાહકો માટે આ એક મહત્વપૂર્ણ પગલું છે, જેથી તેઓ પોતાના હક્કો માટે અવાજ ઉઠાવી શકે. આગળથી જો GST ઘટાડા બાદ પણ દુકાનદાર જૂના ભાવ વસૂલે, તો તરત જ નેશનલ કન્ઝ્યૂમર હેલ્પલાઇનનો સંપર્ક કરો.
Disclaimer: આ માહિતી સામાન્ય જાગૃતિ માટે છે. ખરીદી કે કોઈપણ ફરિયાદ નોંધાવા પહેલા સત્તાવાર પોર્ટલ અને નંબર પર તપાસ કરવી જરૂરી છે.
Read more – 8મા પગાર પંચ બાદ ક્લાર્કને મળશે ₹83,000 પગાર – જાણો કેવી રીતે થશે ગણતરી
