GST Rate Cut: ભારતમાં બાઇક અને સ્કૂટર પ્રેમીઓ માટે ખુશખબર છે. કેન્દ્ર સરકારે જાહેર કરેલા GST સુધારા 22 સપ્ટેમ્બરથી અમલમાં આવશે. નવા નિયમો મુજબ હવે મોટાભાગની વસ્તુઓ અને સેવાઓ પર 5% અને 18% GST લાગશે. ખાસ કરીને બાઇક અને સ્કૂટર પરનો GST દર 28%માંથી ઘટીને 18% થયો છે. આ બદલાવથી વાહનોના ભાવમાં સીધો ઘટાડો થશે અને ગ્રાહકોને મોટો લાભ મળશે.
બાઇક-સ્કૂટર સસ્તી, બુકિંગમાં ઉછાળો
દેશની જાણીતી બે-વ્હીલર કંપનીઓ જેમ કે Royal Enfield, Honda, TVS, Yamaha, Hero, Bajaj સહિતે જાહેરાત કરી છે કે તેઓ GST ઘટાડાનો ફાયદો સીધો ગ્રાહકોને આપશે.
દિલ્હીના ડીલર સતવીર સિંહ મુજબ, ઘણા ગ્રાહકો હવે 22 સપ્ટેમ્બર પછી જ બાઇક ડિલિવરી લેવા માંગે છે જેથી નવા રેટનો લાભ મળે. ફેસ્ટિવલ સીઝનમાં વેચાણ બમણું થવાની ધારણા છે.
Royal Enfield Bullet પર 22,000 રૂપિયા સુધીનો ઘટાડો
રોયલ એનફિલ્ડે જાહેરાત કરી છે કે તેની 350cc બુલેટ શ્રેણી પર 22,000 રૂપિયા સુધીનો ભાવ ઘટાડો થશે. કંપનીએ કહ્યું છે કે મોટરસાઇકલ, સર્વિસિસ, એપેરલ અને એક્સેસરીઝ સહિત તમામ સેગમેન્ટમાં ગ્રાહકોને GST સુધારાનો સંપૂર્ણ લાભ આપવામાં આવશે.
Yamaha, TVS અને Bajajનો મોટો નિર્ણય
Yamaha એ જણાવ્યું છે કે તેના R15, MT15, Aerox 155, Fascino જેવા મોડલ પર 17,500 રૂપિયા સુધીનો ભાવ ઘટાડો થશે.
TVS અને Bajaj Auto એ પણ તેમના તમામ મોટરસાઇકલ પર ભાવ ઘટાડાની જાહેરાત કરી છે. ખાસ કરીને Bajaj Pulsar, KTM મોડલ પર 20,000 રૂપિયા સુધી સસ્તી મળશે.
Bajajના થ્રી-વ્હીલર પણ 24,000 રૂપિયા સુધી સસ્તા થશે. જો કે, ઈલેક્ટ્રિક વાહન પર કોઈ ફેરફાર નહીં થાય.
Hondaના મોડલ 18,800 રૂપિયા સુધી સસ્તા
Honda Motorcycles and Scooters India (HMSI) એ જણાવ્યું છે કે તેના 350cc સુધીના બાઇક અને સ્કૂટર પર 18,800 રૂપિયા સુધીનો ભાવ ઘટાડો થશે. એટલે કે Activa, Unicorn, Shine જેવા લોકપ્રિય મોડલ્સ હવે વધુ સસ્તા દરે મળશે.
તહેવારોમાં વેચાણમાં તેજી
GST સુધારાના કારણે દેશભરમાં બાઇક-સ્કૂટરના ભાવ 6,000 થી 22,000 રૂપિયા સુધી ઓછા થશે. ફેસ્ટિવલ સીઝનને ધ્યાનમાં રાખીને ગ્રાહકોમાં ભારે ઉત્સાહ છે. નિષ્ણાંતોના મતે લાંબા ગાળે વેચાણમાં 20%નો વધારો થવાની શક્યતા છે.
Read more – NPS Account New Rules 2025: 1લી ઓક્ટોબરથી નવા નિયમો લાગુ, જાણો સંપૂર્ણ માહિતી
