New Pension scheme: દિલ્હીના વૃદ્ધ નાગરિકો માટે ખુશખબર આવી છે. સરકાર હવે નબળા વર્ગના વૃદ્ધોને આર્થિક સહારો આપવા માટે નવી પેન્શન યોજના શરૂ કરવા જઈ રહી છે. આ યોજના હેઠળ કુલ 50 હજાર નવા લાભાર્થીઓ ઉમેરવામાં આવશે. ખાસ વાત એ છે કે આ પેન્શન યોજના પ્રધાનમંત્રી નરેન્દ્ર મોદીનો જન્મદિવસ, 17 સપ્ટેમ્બર થી શરૂ થશે.
કેન્દ્રિય ગૃહમંત્રી અમિત શાહ આ નવી પેન્શન યોજનાનો શુભારંભ કરશે. જ્યારે દિલ્હી મુખ્યમંત્રી રેખા ગુપ્તા એ કહ્યું કે – “આ પ્રયાસ આપણા રાજધાનીના એવા સિનિયર સિટિઝન માટે છે, જેઓ આર્થિક રીતે નબળા છે અને સહાયની જરૂર છે.
કેવી રીતે મળશે પેન્શન ?
નવી પેન્શન યોજના માટે અરજીઓ E-District Portal મારફતે સ્વીકારવામાં આવશે. અરજદારોને પસંદગી માટે ‘First Come, First Served’ સિદ્ધાંત લાગુ કરવામાં આવશે જેથી પારદર્શિતા જળવાઈ રહે.
સરકારે આ યોજના માટે અંદાજે ₹149 કરોડનું બજેટ ફાળવ્યું છે. જો ભવિષ્યમાં લાભાર્થીઓની સંખ્યા વધી જાય તો વધારાનો ફાળો પણ આપવામાં આવશે.
હાલની પેન્શન યોજનાઓ
હાલમાં દિલ્હી સરકાર દ્વારા દર વર્ષે લગભગ ₹1140 કરોડ પેન્શન પર ખર્ચ કરવામાં આવે છે. હાલમાં સરકાર
- 3.8 લાખ મહિલાઓ
- 4.6 લાખ વૃદ્ધો
- 1.3 લાખ દિવ્યાંગોને
- પેન્શન આપે છે.
સરકારની અપીલ
મુખ્યમંત્રી રેખા ગુપ્તાએ પાત્ર વૃદ્ધ નાગરિકો અને દિવ્યાંગજનને સમયસર અરજી કરવા અપીલ કરી છે જેથી તેઓને યોજનાનો સીધો લાભ મળી શકે.
ડિસ્ક્લેમર
આ લેખમાં આપવામાં આવેલી માહિતી વિવિધ સમાચાર સ્ત્રોતો અને સરકારી જાહેરાતોના આધારે તૈયાર કરવામાં આવી છે. યોજનાથી સંબંધિત સંપૂર્ણ વિગત, પાત્રતા, અરજી પ્રક્રિયા અને અન્ય શરતો જાણવા માટે કૃપા કરીને સંબંધિત સરકારી વિભાગ અથવા અધિકૃત વેબસાઈટની મુલાકાત લો. અહીં આપવામાં આવેલી માહિતીનો હેતુ માત્ર જનજાગૃતિ ફેલાવવાનો છે.
Read more – ખેડૂતો માટે ખુશખબર! પાણીના ભાવમાં 7 HP Power Weeder – ઓછી મહેનત, વધુ નફો
