PM Kisan 21st Instalment: ભારત કૃષિપ્રધાન દેશ છે. અહીં કરોડો લોકો ખેતી કરે છે અને ખેતી આપણા અર્થતંત્રની રીડ છે. છતાં પણ, ઘણા ખેડૂતો હજુ ગરીબીનો સામનો કરે છે. વધતી ખેતીની કિંમત, અનિશ્ચિત હવામાન અને પાકને યોગ્ય ભાવ ન મળવાથી ખેડૂતોને આર્થિક તંગી અનુભવવી પડે છે.
ખેડૂતોને સીધી મદદ આપવા માટે કેન્દ્ર સરકારે “પ્રધાનમંત્રી કિસાન સન્માન નિધિ યોજના” (PM Kisan Yojana) શરૂ કરી હતી. આ યોજના અંતર્ગત નાના અને મધ્યમ ખેડૂત પરિવારોને દર વર્ષે ₹6,000ની સહાય આપવામાં આવે છે. આ રકમ ત્રણ કિસ્તમાં ખેડૂતોના બેંક એકાઉન્ટમાં સીધી જમા થાય છે. એટલે કે, દર ચાર મહિને ખેડૂતોને ₹2,000 ટ્રાન્સફર કરવામાં આવે છે. અત્યાર સુધી સરકાર 20 કિસ્ત ખેડૂતોના એકાઉન્ટમાં મોકલી ચૂકી છે.
21મી કિસ્ત ક્યારે આવશે ?
હવે ખેડૂતોની નજર 21મી કિસ્ત પર છે. ખાસ કરીને દિવાળી નજીક હોવાથી, ખેડૂતો જાણવા માંગે છે કે શું સરકાર તહેવાર પહેલાં આ રકમ જમા કરશે કે નહીં. મીડિયા રિપોર્ટ મુજબ, 21મી કિસ્ત નવેમ્બર કે ડિસેમ્બર 2025માં આવી શકે છે. એટલે કે, આ વખતની કિસ્ત દિવાળી બાદ જ ખેડૂતોના એકાઉન્ટમાં આવી શકે છે. જોકે, સરકાર તરફથી હજી સુધી કોઈ સત્તાવાર તારીખ જાહેર કરવામાં આવી નથી.
કિસ્ત મેળવવા માટે જરૂરી શરતો
જે ખેડૂતોનો e-KYC પૂર્ણ નથી થયો અથવા જેમણે ભૂ-લેખ વેરિફિકેશન નથી કરાવ્યું, તેઓને આ કિસ્તનો લાભ નહીં મળે. ઉપરાંત, ખેડૂતોના બેંક એકાઉન્ટ સાથે આધાર લિંક હોવું ફરજિયાત છે. જો આ પગલાં અધૂરાં રહેશે તો સરકાર તરફથી પૈસા એકાઉન્ટમાં જમા નહીં થાય.
ખેડૂતોએ શું કરવું જોઈએ ?
તરત જ e-KYC પૂર્ણ કરો.
ભૂ-લેખ (જમીનનો રેકોર્ડ) ચકાસણી કરાવો.
બેંક એકાઉન્ટ આધાર સાથે લિંક કરો.
Read more-Ojas New Bharti 2025: 12 પાસ ઉમેદવારો માટે Fireman Cum Driver ની સરકારી નોકરી, પગાર ₹63,200 સુધી
