PM Suraksha Bima Yojana 2025: ભારત સરકાર ગરીબ અને મધ્યમવર્ગના લોકો માટે ઘણી યોજનાઓ શરૂ કરતી રહે છે. એવી જ એક યોજના છે પ્રધાનમંત્રી સુરક્ષા વીમા યોજના (PMSBY), જે ખૂબ જ ઓછી કિંમતમાં મોટી સુરક્ષા આપે છે. આ યોજના ગરીબ પરિવારો માટે ભેટ સમાન સાબિત થઈ રહી છે.-PMSBY Premium 20 Rupees
પ્રધાનમંત્રી સુરક્ષા વીમા યોજના (PMSBY)
આ યોજના 9 મે, 2015 ના રોજ શરૂ કરવામાં આવી હતી. કોઈપણ વ્યક્તિ ફક્ત ₹20 ના વાર્ષિક પ્રીમિયમ પર આ યોજના સાથે જોડાઈ શકે છે. આ વીમા કવરેજ દર વર્ષે 1 જૂન થી 31 મે સુધી માન્ય રહે છે.
કોણ લઈ શકે છે આ યોજના ?
- અરજદારની ઉંમર 18 થી 70 વર્ષ વચ્ચે હોવી જરૂરી છે.
- વ્યક્તિ પાસે કોઈપણ બેંકમાં બચત ખાતું હોવું ફરજિયાત છે.
- પ્રીમિયમની રકમ સીધી બેંક ખાતામાંથી ઓટો-ડેબિટ દ્વારા કપાઈ જશે.
કેટલો મળે છે લાભ ?
- આકસ્મિક મૃત્યુ કે સંપૂર્ણ કાયમી અપંગતા પર : ₹2 લાખ
- આંશિક કાયમી અપંગતા પર : ₹1 લાખ
આ યોજનાનો મુખ્ય ઉદ્દેશ ગરીબ પરિવારોને સુરક્ષા કવચ પૂરું પાડવાનો છે જેથી કોઈ અકસ્માત કે અણધાર્યા બનાવમાં પરિવાર પર આર્થિક ભાર ન પડે.
પ્રધાનમંત્રી જીવન જ્યોતિ વીમા યોજના (PMJJBY)
આ સાથે જ, બીજી એક લોકપ્રિય યોજના છે પ્રધાનમંત્રી જીવન જ્યોતિ વીમા યોજના (PMJJBY). આ યોજનામાં કોઈપણ કારણોસર થયેલા મૃત્યુ પર કવર આપવામાં આવે છે.
- વાર્ષિક પ્રીમિયમ : ₹436
- વીમા કવરેજ : ₹2 લાખ
- કવરેજ સમયગાળો : 1 જૂન થી 31 મે
- નોંધણી પછી 30 દિવસ સુધી વેઇટિંગ પીરિયડ લાગુ રહેશે.
કેવી રીતે કરો અરજી ?
- નજીકની બેંક શાખા
- ઑનલાઈન બેંકિંગ પોર્ટલ
- મોબાઇલ એપ્લિકેશન
- હેલ્પલાઇન નંબર : 1800-110-001
નિષ્કર્ષ
માત્ર ₹20 માં મળતો આ વીમો ખરેખર સામાન્ય માણસ માટે જીવદાયી છે. ખૂબ ઓછા ખર્ચે પરિવારને આર્થિક સુરક્ષા આપતી આ યોજના દરેક ગરીબ અને મધ્યમવર્ગીય પરિવારે જરૂરથી લેવી જોઈએ.
