PM Swanidhi Yojana 2025 : ભારત સરકાર નાના વેપારીઓ અને ફૂટપાથ પર વ્યવસાય કરતા લોકો માટે મોટી ખુશખબર લઈને આવી છે. કોરોના મહામારી દરમ્યાન જ્યારે લાખો નાના વેપારીઓની આવક પર અસર પડી હતી, ત્યારે કેન્દ્ર સરકારે પ્રધાનમંત્રી સ્ટ્રીટ વેન્ડર્સ આત્મનિર્ભર નિધી (PM SVANidhi Yojana) શરૂ કરી હતી. આ યોજનાનો હેતુ એ હતો કે વેપારીઓને ગેરંટી વગર નાણાકીય સહાય મળે અને તેઓ ફરીથી પોતાનું કામકાજ શરૂ કરી શકે.
હવે મળશે વધુ લોન – ₹90,000 સુધી
આ યોજનામાં પહેલા સુધીમાં વેપારીઓને માત્ર ₹80,000 સુધી લોન મળતી હતી. પરંતુ હવે સરકારએ આ મર્યાદા વધારીને ₹90,000 કરી છે. લોન તબક્કાવાર આપવામાં આવશે –
- પ્રથમ તબક્કામાં ₹15,000
- બીજા તબક્કામાં ₹25,000
- ત્રીજા તબક્કામાં ₹50,000
હાલ સુધીમાં લગભગ 47 લાખથી વધુ લોકો આ યોજનાનો લાભ લઈ ચૂક્યા છે. હવે સરકારનો અંદાજ છે કે કુલ 1.15 કરોડ લોકો, જેમાં 50 લાખ નવા લાભાર્થીઓનો સમાવેશ થશે, તેઓને સીધો ફાયદો મળશે.
યોજનાની સમય મર્યાદા વધારી
કેન્દ્રીય મંત્રિમંડળે આ યોજનાને હવે 31 માર્ચ 2030 સુધી લંબાવવાનો નિર્ણય કર્યો છે. આ માટે સરકારનો કુલ ખર્ચ અંદાજે ₹7,332 કરોડ રહેશે. આ યોજના ગૃહનિર્માણ અને શહેરી બાબતો મંત્રાલય અને વિત્તીય સેવાઓ વિભાગ દ્વારા સંયુક્ત રીતે ચલાવવામાં આવે છે.
માત્ર આધાર કાર્ડથી મળશે લોન
આ લોન મેળવવા માટે કોઈ ગેરંટી કે મિલકત રાખવાની જરૂર નથી. માત્ર આધાર કાર્ડથી લોન મળી શકે છે. સાથે સાથે આ લોનની ચુકવણી માટે EMI સુવિધા ઉપલબ્ધ છે. લોનની અવધિ એક વર્ષની હોય છે.
રૂપિયા ક્રેડિટ કાર્ડ અને ડિજિટલ કેશબેક
લાભાર્થીઓને લોન સાથે Rupay ક્રેડિટ કાર્ડ પણ આપવામાં આવે છે, જે UPI સાથે જોડાયેલું છે. જો સમયસર લોનની ચુકવણી કરવામાં આવે તો આગળની તબક્કાવાર લોન સરળતાથી મળી શકે છે. ઉપરાંત, સરકાર ડિજિટલ પેમેન્ટને પ્રોત્સાહિત કરવા માટે ₹1600 સુધીનું કેશબેક પણ આપે છે.
Read more – GSSSB X-Ray Technician Bharti 2025 : આરોગ્ય વિભાગમાં 81 જગ્યાઓ માટે ભરતી, આજે જ કરો અરજી
