સ્ટેટ બેંક ઓફ ઇન્ડિયા (SBI) પોતાની CSR પહેલ હેઠળ દર વર્ષે વિદ્યાર્થીઓને મદદરૂપ થતી Asha Scholarship યોજના ચલાવે છે. આ વર્ષે શરૂ થયેલી SBI Asha Scholarship 2025 વિદ્યાર્થીઓ માટે એક મોટું અવસર છે, કારણ કે આ યોજનામાં ₹15,000 થી ₹20 લાખ સુધીની શિષ્યવૃત્તિ મળી શકે છે. આ સહાય ખાસ કરીને તે વિદ્યાર્થીઓ માટે છે જે પ્રતિભાશાળી છે પરંતુ નાણાકીય મર્યાદાને કારણે અભ્યાસ ચાલુ રાખવામાં મુશ્કેલી અનુભવે છે.
SBI Asha Scholarship 2025: શિષ્યવૃત્તિનો ફાયદો
ધોરણ 9 થી 12માં અભ્યાસ કરતા વિદ્યાર્થીઓને દર વર્ષે આશરે ₹15,000 સુધીની શિષ્યવૃત્તિ મળશે. સ્નાતક સ્તરે અભ્યાસ કરતા વિદ્યાર્થીઓને આ યોજના હેઠળ ₹75,000 સુધીની સહાય આપવામાં આવશે. IIT, IIM જેવી ટોચની સંસ્થાઓમાં અભ્યાસ કરતા વિદ્યાર્થીઓને ₹2 થી ₹5 લાખ સુધીની શિષ્યવૃત્તિ મળશે. જ્યારે વિદેશમાં અભ્યાસ માટે પસંદ થયેલા વિદ્યાર્થીઓને સૌથી વધુ એટલે કે ₹20 લાખ સુધીની સહાય આપવામાં આવશે.
Read More: નવરાત્રિ પહેલા ચિંતા: ગુજરાત પર તોળાતું Ragasa તોફાનનું સંકટ
SBI Asha Scholarship 2025: પાત્રતા શરતો (Eligibility)
- અરજદાર ભારતીય નાગરિક હોવો જરૂરી.
- શાળાના વિદ્યાર્થીઓ માટે કુટુંબની વાર્ષિક આવક ₹3 લાખથી ઓછી હોવી જોઈએ.
- કોલેજ/યુનિવર્સિટી સ્તરના વિદ્યાર્થીઓ માટે કુટુંબની આવક ₹6 લાખથી ઓછી હોવી જોઈએ.
- છેલ્લી પરીક્ષામાં ઓછામાં ઓછા 75% ગુણાંક અથવા સમકક્ષ ગ્રેડ હોવા જરૂરી.
- માત્ર માન્યતા પ્રાપ્ત શાળા, કોલેજ, IIT, IIM અને NIRF Top-300માં આવતી સંસ્થાઓના વિદ્યાર્થીઓ જ પાત્ર ગણાશે.
SBI Asha Scholarship 2025: અરજી કરવાની પ્રક્રિયા
- SBIની સત્તાવાર વેબસાઇટ અથવા sbiashascholarship.co.in પર જાઓ.
- “Apply Now” વિકલ્પ પસંદ કરો.
- જરૂરી વિગતો (વ્યક્તિગત માહિતી, શૈક્ષણિક માહિતી, બેંક એકાઉન્ટ) ભરો.
- જરૂરી દસ્તાવેજો (આધાર કાર્ડ, માર્કશીટ, આવકનો પુરાવો) અપલોડ કરો.
- ફોર્મ સબમિટ કર્યા પછી અરજીની પુષ્ટિ મળશે.
📅 અરજી કરવાની છેલ્લી તારીખ: 15 નવેમ્બર 2025
SBI Asha Scholarship 2025 વિદ્યાર્થીઓ માટે જીવન બદલાવનાર તક છે. આ શિષ્યવૃત્તિ દ્વારા વિદ્યાર્થીઓને અભ્યાસ ચાલુ રાખવામાં અને ઉચ્ચ શિક્ષણ મેળવવામાં નાણાકીય સહાય મળશે. જો તમે પાત્ર છો, તો તરત જ ઑનલાઇન અરજી કરો અને ₹20 લાખ સુધીની સહાયનો લાભ મેળવો.
Read More: Airtel, Jio અને Vi માં કોનો પ્લાન સેકન્ડરી સિમ માટે શ્રેષ્ઠ ?
